Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
ՀՅԴ Տավուշի Մարզային կոմիտեի ներկայացուցիչ, ՀՀ ԱԺ «Հայաստան» խմբակցության պատգամավոր Գառնիկ Դանիելյանը Հայ Յեղափոխական Դաշնակցության 134-ամյակին նվիրված միջոցառումների շրջանակներում այցելել է Իրանի Իսլամական Հանրապետության Սպահան նահանգ։
«Նոր Ջուղայի Հայոց ազգային կրթահամալիրի սաների հետ ունեցա ջերմ, անմիջական զրույցներ իրենց առօրյայի, երազանքների, հայրենիքի շուրջ։
Կրթահամալիրը, որը ներառում է մանկապարտեզ-նախակրթարան, տարրական, ուղեցույց և միջնակարգ դպրոցներ, անգնահատելի դեր և ավանդ ունի հայ մանուկների կրթության և հայապահպանության գործում։ Այստեղ սերտում են հայոց պատմություն, սովորում են մաքրամաքուր հայերեն, երգում են ազգային երգեր։
Հայերն Իրանում անգնահատելի ավանդ են ունեցել կրթության, գիտության, մշակույթի ոլորտում։
Նրանցից կուզեի առանձնացնել «Իրանի ժամանակակից աստղագիտության մայր» համարվող մեր հայրենակցին՝ Ալենուշ Տերյանին, որի անունով էլ կոչվում է կրթահամալիրի դահլիճը։
Ալենուշ Տերյանն Իրանում աստղաֆիզիկա դասավանդող առաջին կին պրոֆեսորն էր․ նա մեծ ներդրում է ունեցել արևային աստղադիտարանի հիմնադրման գործում:
Համաձայն կտակի՝ Ալենուշ Տերյանի բնակարանը նվիրվել է Ջուղայի հայերին և բնակատեղի չունեցող ուսանողներին»։