Մոսկվան Ուկրաինայի վերաբերյալ կոնկրետ առաջարկներ չի ստացել. ՌԴ ԱԳՆ

Մոսկվան չի ստացել որևէ կոնկրետ առաջարկ, որը կհամապատասխանի Ուկրաինայի հարցով բանակցություններ սկսելու համար, «ՌԻԱ Նովոստի»-ին տված հարցազրույցում ասել է Ռուսաստանի փոխարտգործնախարար Միխայիլ Գալուզինը։

Պատասխանելով Արևմուտքում և Ուկրաինայում բանակցությունների մոտալուտ մեկնարկի մասին հնչող հայտարարություններին՝ ռուս դիվանագետը նշել է, որ դրանք «պետք է ընկալվեն որպես տեղեկատվական դաշտի տաքացում՝ ստեղծելու համար իրենց անհրաժեշտ մթնոլորտը և առավել շահեկան դիրքերը»։ Նա հավելել է, որ իրատեսորեն են մոտենում նման հայտարարություններին։

«Կարևոր է, որ խոսքերն ապահովվեն գործնական քայլերով, որոնք հաշվի են առնում Ռուսաստանի օրինական շահերը՝ ցույց տալով ճգնաժամի բուն պատճառները վերացնելու և նոր իրողությունները ճանաչելու պատրաստակամությունը», - հավելել է ՌԴ ԱԳՆ ղեկավարի տեղակալը։