Փաստաբանը միջնորդեց փոխել Գագիկ Սարգսյանի խափանման միջոց կալանքը՝ տնային կալանքով, գրավով և երաշխավորությամբ

Ավան և Նոր Նորք վարչական շրջանների ընդհանուր իրավասության դատարանում ընթանում է Գագիկ Սարգսյանի և մյուսների գործով դատական նիստը։ Հանրային մեղադրողը միջնորդեց 3 ամսով  երկարաձգել Գագիկ Սարգսյանի կալանավորում խափանման միջոցը, ինչին ի պատասխան,  իր խոսքում Գագիկ Սարգսյանի փաստաբան Մկրտիչ Դավթյանն ընդգծեց, որ հանրային մեղադրողի միջնորդությունը որևէ հիմք չունի և միջնորդեց Գագիկ Սարգսյանի նկատմամբ կիրառել այլընտրանքային խափանման միջոց՝ տնային կալանք՝ համակցված գրավոր երաշխավորությամբ և մինչև 2 մլն դրամ գրավով։ Փաստաբանը նշեց , որ Գագիկ Սարգսյանի համար գրավոր երաշխավորություն են ներկայացրել արվեստի, մշակույթի վաստակավոր գործիչներ, հանրային դեմքեր՝  արդարադատության գեներալ-մայոր Թաթուլ Պետրոսյանը, ռեժիսոր Սամվել Թադևոսյանը, Սարգիս Բաղդասարյանը, Կարապետ Վարդանյանը, Մուրադ Մշեցին և Սպարտակ Ղարաբաղցյանը։