Սուրեն Մանուկյանի գործով վկայի ցուցմունքներում կան հակասություններ․ դատավորը բավարարեց պաշտպանների միջնորդությունը

Տավուշի մարզի առաջին ատյանի ընդհանուր իրավասության դատարանի Իջևան քաղաքի նստավայրում  շարունակվում է  Սուրեն Մանուկյանի և մյուսների գործով դատական նիստը, որը գտնվում է վկային լսելու և հարցեր ուղղելու փուլում։

Գործով անցնող վկայի ցուցմունքներում պաշտպանական կողմը հակասություններ արձանագրեց և միջնորդեց դատարանին՝ հրապարակելու նախաքննության ժամանակ տրված ցուցմունքը։ Լսելով կողմերին դատավորը բավարարեց փաստաբանների միջնորդությունը՝ նշելով․ «Վկայի նախաքննական ու դատաքննական ցուցմունքներում հակասություններ կան»։

Նշենք, որ դեռևս 2022թ. օգոստոսի 11-ից քրեական գործ էր հարուցվել և քրեական հետապնդում էր սկսվել ՀՅԴ անդամ, ԱԺ 6-րդ գումարման նախկին պատգամավոր Սուրեն Մանուկյանի նկատմամբ: Վերջինս մեղադրվում է խմբի կազմում «Ազատ դեմոկրատներ» կուսակցության նախագահ Խաչատուր Քոքոբելյանի հորը առևանգելու և նրա որդիներից առանձնապես խոշոր չափերի գումար շորթելու համար։ Քրեական գործով Սուրեն Մանուկյանի նկատմամբ որպես խափանման միջոց է կիրառվել կալանավորումը։

 2022թ. օգոստոսի 11-ից Սուրեն Մանուկյանն ազատազարկված է։ Սուրեն Մանուկյանն իրեն առաջադրված մեղադրանքը համարում է շինծու և իրեն մեղավոր չի ճանաչում։

Հերմինե Զեյնալյան

Մանրամասն՝ տեսանյութում։