Ինչպես Մերձավոր Արևելքի, այնպես էլ այս պարագայում ՄԱԿ-ի գլխավոր քարտուղարը պետք է հանդես գա պատանդներին ազատ արձակելու պահանջով․ Ստեփանյան

COP29-ը, որի ընթացքում աշխարհի ուշադրությունը սևեռվելու է Ադրբեջանի վրա, կարևորագույն առիթ է ևս մեկ անգամ բարձրաձայնելու և կրկնելու մեր պահանջը, մեր ակնկալիքը միջազգային հանրությունից», - նշեց Արցախի նախկին ՄԻՊ Գեղամ Ստեփանյանը՝ հավելելով, որ Մերձավորարևելյան հակամարտության պարագայում ՄԱԿ-ի գլխավոր քարտուղարը հանդես է եկել պատանդներին ազատ արձակելու կոչով և պահանջով, նույնը պետք է լինի նաև հայ ռազմագերիների պարագայում։

Գեղամ Ստեփանյանը նշեց, որ ակցիան սկսվում է ՄԱԿ-ի հայաստանյան գրասենյակի մոտից, որտեղ պետք է նամակ փոխանցեն։

2024 թվականի նոյեմբերին Ադրբեջանում կայանալիք ՄԱԿ-ի Կլիմայի փոփոխության համաժողովին (COP29) ընդառաջ աշխարհի տարբեր երկրներում մեկնարկել են ակցիաներ՝ Ադրբեջանում ապօրինաբար պահվող հայ ռազմագերիների և պատանդների անհապաղ ազատ արձակման պահանջով։ 

Նախաձեռնության շրջանակում ՄԱԿ-ի հայաստանյան գրասենյակի մոտից ևս մեկնարկել էր ակցիա, որը շարունակվեց ԱԳՆ-ի, ՀՀ-ում Ռուսաստանի Դաշնության, Ֆրանսիայի Հանրապետության և Ամերիկայի Միացյալ Նահանգների դեսպանատների առջև։ 

Մանրամասն տեսանյութում։