Պարեկային ծառայությունը, Խուդինյան Արթուրով, իշխանության քաղաքական պայքարի մեջ դերակատար է․ Գեղամ Մանուկյան

«Պարեկային ծառայությունը, Խուդինյան Արթուրով, իշխանության քաղաքական պայքարի մեջ դերակատար է»,- ԱԺ ամբիոնից հայտարարեց «Հայաստան» խմբակցության պատգամավոր Գեղամ Մանուկյանը։

«Սիմոնյան Աշոտի վրա 40 կարմիր ու սև բերետավորներ հարձակվել էին, մինչև հիմա մի ոստիկան պատժված չէ»,- դիմելով ՆԳ փոխնախարար Արփինե Սարգսյանին՝  ասաց պատգամավորը։

Նշենք, որ  փոխոստիկանապետը ներկայացնում էր ոստիկանության բարեփոխումներին վերաբերող օրինագիծ՝ Ոստիկանության կրթահամալիրի և Ճգնաժամային կառավարամն պետական ակադեմիան միավորելու վերաբերյալ։

Հիշեցնելով, որ ՆԳՆ-ից հայտնել են թե ծեծի դեպքով ծառայողական քննություն է ընթանում՝ Գեղամ Մանուկյանը տարակուսեց, որ 4 ամսվա ընթացքում ոստիկանությունը ծառայողական քննության մասին չգիտի։

«Այսօր Աջափնյակի դատարանում տասից ավել մեր քաղաքացիների դատն է, նայում ես խեղճ ու կրակ մի կին ոստիկան ծեծող է, նայում ես 2 մետր բոյով կարմիր բերետավորները որպես տուժող են հանդես գալիս»,- հայտարարեց Մանուկյանը։