Գավառի Հացառատ թաղամասի բնակչությունն էլ 4-5 հազար է, էդ դեպքում ինչո՞ւ առանձին վարչական միավոր չեք դարձնում․ Ղազարյանը՝ ՏԿԵ փոխնախարարին

Օրենսդրական առաջարկով Սանահին թաղամասը կառանձնացվի Ալավերդի բնակավայրից եւ կներառվի Ալավերդի համայնքում՝ որպես առանձին բնակավայր: Գործադիրը նման լրացում է առաջարկում «ՀՀ վարչատարածքային բաժանման մասին» օրենքում: Հարցը քննարկվել է Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նիստում:

ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը նշեց, որ Սանահինը պատմամշակութային, զբոսաշրջային զարգացող ուղղություններից է, և որպես առանձին բնակավայր հատկորոշումը կարեւորվում է բոլոր զբոսաշրջային ուղեցույցներում ևս: 

Փոխնախարարի խոսքով՝  օրենսդրական առաջարկը ծախսերի, ինչպես նաև համահարթեցման դոտացիայի բաշխման առումով էական ազեցություն չի ունենա:

«Հայաստան» խմբակցությունից պատգամավոր Արմեն Ղազարյանն էլ հարց բարձրացրեց, ըստ որի՝ նմանատիպ շատ համայնքներ կան, հետևաբար՝ այս մոտեցումը ինչո՞ւ չի կիրառվում նաև դրանց մասով: 

Մանրամասն՝ տեսանյութում։