Արամ Երիցյանի կալանավորման հարցը կքննարկի դատավոր Մարտին Արզումանյանը

Արամ Երիցյանի եղբայրը՝ փաստաբան Ռոման Երիցյանը  ֆեյսբուքյան էջում հայտնել է.

«Արամ Երիցյանի կալանավորման հարցը կքննարկի դատավոր Մարտին Արզումանյանը, այսօր՝ ժամը 20:00-ին, դատարանի Աջափնյակ 1 նստավայրում (հասցե՝ ՀՀ, ք.Երևան, Նազարբեկյան 40)։

Հիշեցնում եմ, որ կիրակի օրը՝ 04.08.2024 թվականին, դատարանի Շենգավիթի նստավայրի դատավոր Նելլի Բաղդասարյանը մերժել է քննիչի կողմից ներկայացված՝ Արամ Երիցյանին կալանավորելու վերաբերյալ նույնաբովանդակ միջնորդությունը, ինչպես նաև ոչ իրավաչափ ճանաչել Արամ Երիցյանի եռօրյա ձերբակալումը»:

Նշենք, որ Արամ Երիցյանը օրեր առաջ ծեծի էր ենթարկվել մեքենայի կայանման շուրջ եւ բաժին տեղափոխելու հետ կապված վիճաբանությունից հետո, որից հետո Քննչական կոմիտեն հայտնել էր քրեական վարույթ նախաձեռնելու մասին: