Պարեկների կողմից բռնության ենթարկված արցախցի Արամ Երիցյանի գործով տեղի է ունենում ամոթալի կեղծիք. փաստաբան

Փաստաբան Ռուբեն Մելիքյանը ֆեյսբուքյան իր էջում գրում է․

«Պարեկների կողմից բռնության ենթարկված արցախցի Արամ Երիցյանի գործով տեղի է ունենում ամոթալի կեղծիք։

Գնալով մեծանում է այն վտանգը, որ ուղղակի հաշվեհարդար են տեսնելու եւ բացարձակ անհիմն կերպով այդ տղային կալանավորելու են, նրա համար, որ այդ հարցը բարձրաձայնել է: Այսօր քննչականը մի կտրած տեսանյութ է տարածել, որում Արամ Երիցյանը բռնություն է կիրառում պարեկների նկատմամբ եւ պատահական չէ, որ այդ տեսանյութի ձայնը անջատած է: Երբ նրան հրավիրել են բաժին, Արամ Երիցյանը համաձայնել է, բայց պարեկները փորձել են ձեռնաշթա կիրառել: Ինչու էին ձեռնաշթա կիրառում, եթե նա համաձայն էր ներկայանալ բաժին»,-ասաց նա:

Հիշեցնենք՝ երեկ պարեկների ոչ իրավաչափ գործողությունների հետևանքով մարմնական լուրջ վնասվածքներ է ստացել արցախցի Արամ Երիցյանը։ Այսօր էլ ՔԿ-ն հաղորդագրություն է տարածել՝ պնդելով, թե Երիցյանն է հարվածել պարեկներին եւ նախաձեռնվել է քրեական վարույթ։