Շարժումը պետք է հաջողի հենց նրա համար, որ ՀՀ֊ն լինի. Գառնիկ Դանիելյանը՝ աբովյանցիների հետ հանդիպմանը

«Մեր թշնամու շահերը սպասարկում են այս` թուրքադրբեջանական տանդեմ հանդիսացող իշխանությունները: Այն մարդիկ, ովքեր մտածում էին` Արցախը տանք, ապրենք, այսօր ականատես եղան, որ Հայաստանի տարբեր մարզերում հանգիստ ու անվտանգ ապրում էին, քանի կար Արցախը: Սրանք ճանաչեցին Արցախն Ադրբեջանի կազմում, ինչի վրա հիմնվելով` հիմա Ադրբեջանը պահանջում է ռեպարացիաներ` հսկայական գումարներ: Դրանք վճարել չկարողանալու դեպքում թշնամին պահանջում է Սևանը, Զանգեզուրի պղնձամոլիբդենային կոմբինատը, և այլն, և այլն: Եվ սա ֆանտաստիկայի ժանրից չէ»,- Աբովյանում իր ելույթի ժամանակ նշեց  պատգամավոր Գառնիկ Դանիելյանը:
«Հասել ենք նրան, որ Ադրբեջանը պահանջում է Սահմանադրություն փոխել և այս մարդն էլ Սահմանադրության օրվա առթիվ մեզ աչքալուսանք է անում, թե բա` Սահմանադրությունը պիտի փոխենք: Արդեն Տավուշից ահազանգ ենք ստանում, որ գյուղերի խաչերը հանում են: Լույսերն անջատել են և իշխանությունների հրահանգով սկսվել է խաչերի հանման գործընթացը: Հաջորդիվ ադրբեջանցիների` մեր երկրում վերաբնակեցումն է»,- ասաց Գառնիկ Դանիելյանը:

Նշենք, որ այս պահին Բագրատ Սրբազանի գլխավորած շարժման անդամները Աբովյան քաղաքում են։