Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Հյուսիսային Կորեայի առաջնորդ Կիմ Չեն Ընը պաշտոնանկ է արել մի քանի բարձրաստիճան պաշտոնյաների՝ երկրի հյուսիսում նոր քաղաքի կառուցման իր առաջատար նախագծի հանդեպ «անպատասխանատու» վարքագծի համար, հայտնում է Կորեայի կենտրոնական լրատվական գործակալությունը (KCNA):
Իր որոշման մասին Կիմը հայտարարել է Սամջիյոն կատարած այցի ժամանակ, որտեղ Հյուսիսային Կորեան «սոցիալիստական ուտոպիա» և «բարձր քաղաքակրթության լեռնային քաղաքի մոդել» է կառուցում՝ նոր բնակարաններով, հյուրանոցներով, լեռնադահուկային հանգստավայրով և առևտրային, մշակութային ու բժշկական հաստատություններով։ Գովելով շինարարներին ձեռքբերված հաջողությունների համար՝ ԿԺԴՀ ղեկավարն ասել է, որ բարձրաստիճան պաշտոնյաների անպատասխանատվությունը հանգեցրել է մի շարք լուրջ շեղումների, այդ թվում՝ անորակ շինարարական աշխատանքների և ֆինանսական կորուստների։
Նա հատկապես մատնանշել է սեպտեմբերին նշանակված կառավարության շինարարության վերահսկողության նախարար Ռի Սուն Չոլին՝ նրան մեղադրելով «ոչ մի բանի պիտանի չլինելու» մեջ, որը դեկտեմբերից նույնիսկ շինհրապարակում չի եղել, պաշտոնանկ է արել ու կարգադրել պաշտոնական հետաքննություն անցկացնել:
Հյուսիսային Կորեայի առաջնորդը աշխատանքից ազատել է նաև նախագծի շինարարական տեսչական կոմիտեի բոլոր անդամներին, պաշտոնում իջեցրել է իշխող Աշխատավորական կուսակցության պաշտոնյային, որը պատասխանատու էր այդ հարցի համար, և խոստացել փոխվարչապետի և այլ անձանց նոր ստուգում անցկացնել՝ իրենց պարտականություններում թերանալու կապակցությամբ:
«Շրջելով զբոսաշրջիկների համար նորակառույց հյուրանոցներով, նա խստորեն նշել է, որ դրանց կառուցումն իրականացվել է հնացած և հետամնաց մակարդակով,- նրա խոսքն է մեջբերում KCNA-ն:- Այս նոր շենքերը վերակառուցման կարիք ունեն, և, հետևաբար, այս խնդիրը բացասաբար է անդրադառնում քաղաքի ընդհանուր երկարաժամկետ զարգացման ծրագրի վրա՝ հանգեցնելով տնտեսական կորուստների։