Նույնիսկ Բաքվում են զարմացած, թե ինչպես է արցախցիների վերադարձի հարցը հանվում ՀՀ իշխանության օրակարգից. արցախցի

«Մենք ճարահատյալ ենք լքել Արցախը, բայց դա դեռ չի նշանակում, որ հրաժարվել ենք մեր իրավունքներից ու պահանջերից, որոնց թվում է նաև հետ վերադարձի իրավունքը»,- ՀՀ-ում ՄԱԿ գրասենյակի մոտ՝ արցախցիների իրավունքների պաշտպանության համար ընթացող բողոքի ակցիայի ժամանակ, ասաց արցախցի Արմինե Ավագիմյանը։

«2023 թվականին Արցախի ՀԿ-ների, քաղաքական կուսակցությունների կողմից ստորագրված միասնական փաստաթուղթ ենք ուղղել միջազգային խոշոր դերակատարներին, որտեղ շարադրված է, թե ինչ պայմանների դեպքում է հնարավոր մեր հավաքական վերադարձն Արցախ, այն հնարավոր է անվտանգային, իրավական հստակ կարգավորումների և միջազգային ներկայության պարագայում։ Ցավոք, մենք անընդհատ նկատում ենք, որ ՀՀ իշխանությունների օրակարգից հանվում է արցախցիների վերադարձի հարցը։ Հետևելով ադրբեջանական մեդիային՝ տեսնում ենք, որ անգամ այնտեղ են զարմացած, թե ինչպես են ՀՀ իշխանությունները հեշտ հանձնվում՝ օրակարգից հանելով արցախցիների վերադարձի հարցը»,- նշեց նա:

Մանրամասն՝ տեսանյութում։