կարևոր
1687 դիտում, 4 շաբաթ առաջ - 2024-06-13 20:44
Հասարակություն

Երևան-Սևան ճանապարհի գազալցակայանի պայթյունից տուժած Կարապետ Սիմոնյանը մահացել է. ԱՆ

Երևան-Սևան ճանապարհի գազալցակայանի պայթյունից տուժած Կարապետ Սիմոնյանը մահացել է. ԱՆ

Երևան-Սևան ճանապարհի գազալցակայանի պայթյունի հետևանքով տուժած 44-ամյա Կարապետ Սիմոնյանը մահացել է: Այս մասին այսօր՝ հունիսի 13-ին, Yerkir.am-ին հայտնեցին Առողջապահության նախարարությունից:

«Տուժածներից մեկը՝ Գևորգ Չերքեզյանը, դեռ վերակենդանացման բաժանմունքում է գտնվում. նրա վիճակը գնահատվում է ծանր: Մյուս չորս տուժածների առողջական վիճակը գնահատվում է բավարար»,-հայտնեցին նախարարությունից:

Հիշեցնենք, որ հունիսի 6-ին, ժամը 23:14-ին Ճգնաժամային կառավարման ազգային կենտրոն ահազանգ էր ստացվել, որ Երևան-Սևան ավտոճանապարհին՝ գազալցակայանում, տեղի է ունեցել պայթյուն՝ հրդեհի բռնկմամբ։ Պայթյունից տուժած 7 անձ տեղափոխվել էր Երևանի Այրվածքաբանության և մաշկաբանության ազգային կենտրոն: Տուժածներից երկուսը գտնվում էին վերակենդանացման բաժանմունքում, նրանց վիճակը գնահատվում էր ծայրահեղ ծանր: