Վրաստանի նախագահը կոչ է արել ՆԳՆ ղեկավարին դադարեցնել nւժի կիրառումը ցուցարարների նկատմամբ

Վրաստանի նախագահ Սալոմե Զուրաբիշվիլին դատապարտել է այսպես կոչված «օտարերկրյա գործակալների մասին օրինագծի» դեմ բողոքի ցույցի կոշտ ցրումը։ Իր տեսաուղերձում նա դիմել է Վրաստանի ՆԳՆ ղեկավար Վախթանգ Գոմելաուրիին՝ խնդրելով դադարեցնել ուժ կիրառել ցուցարարների նկատմամբ։

«Դիմում եմ ներքին գործերի նախարարին անհապաղ դադարեցնել խաղաղ ցույցի ցրումը, անհամաչափ ուժի կիրառումը և բռնությունը երիտասարդների նկատմամբ»,- ասել է Զուրաբիշվիլին իր տեսաուղերձում։

Նա նաև դիմել է Վրաստանի հանրային պաշտպան Լևան Իոսելիանիին՝ կոչ անելով «անհապաղ արձագանքել խաղաղ ցույցի հետ կապված ոստիկանության գործողություններին»։

Զուրաբիշվիլին հավելել է, որ «գործողությունը տեղի է ունեցել խաղաղ պայմաններում և որևէ վտանգ չի ներկայացնում»։