Կարմա. Իրանը ԱՄՆ-ին կոչ է արել՝ դադարեցնել ճնշումները սեփական քաղաքացիների նկատմամբ

Իրանի Արտաքին գործերի նախարարությունը կոչ է արել ԱՄՆ իշխանություններին դադարեցնել բռնությունը իրենց քաղաքացիների նկատմամբ՝ վկայակոչելով կալանավորման ընթացքում ոստիկանների կողմից սպանված աֆրոամերիկացու այն խոսքերը, որոնք չի կարողանում շնչել. հայտնում է «ՌԻԱ Նովոստին»։

Ճեպազրույցի ընթացքում Իրանի Արտաքին գործերի նախարարության խոսնակ Աբբաս Մուսավին անգլերենով դիմեց ինչպես ԱՄՆ իշխանություններին, այնպես էլ ԱՄՆ քաղաքացիներին՝ վերջիններիս «ճնշված իրավիճակի» պատճառով իրենց աջակցությունը հայտնելով։

«Ուղերձ ամերիկացի պաշտոնյաներին և ոստիկանությանը. դադարեցրեք բռնությունները ձեր քաղաքացիների նկատմամբ, թողեք նրանք շնչեն», - հայտարարեց Մուսավին ՝ դիմելով ԱՄՆ իշխանություններին:

Հիշեցնենք, որ Միննեապոլիսում և այլ քաղաքներում անկարգությունները սկսվել են այն բանից հետո, երբ ոստիկանների կողմից սպանվեց աֆրոամերիկացի Ջորջ Ֆլոյդը։

Հիշեցնենք, որ ամիսներ առաջ Իրանում բենզինի գնի թանկացման հետևանքով ցույցեր էին տեղի ունենում, որի ժամանակ ԱՄՆ-ն կոչ էր անում Իրանի իշխանություններին՝ բռնություն չգործադրել սեփական քաղաքացիների նկատմամբ։