Եթե այս հողը մեր չէր, ինչո՞ւ էիք եկել մեր անտառներում քեֆ անում. Բագրատ Սրբազանը՝ իշխանությանը

Եթե Տավուշի այս հողերը մեր չէր, ինչո՞ւ էիք եկել մեր անտառներում քեֆ անում։ Այս մասին այսօր՝ ապրիլի 21-ին, Ոսկեպարի փակ ճանապարհին ասաց Բագրատ Սրբազանը՝ դիմելով իշխանականներին։

«Մեզ ասում են գործակալ ու չգիտեմ՝ ինչ, ինչ ասես ասում են։ Մեր անելիքը ճշմարտության մասին է, և իրենք էլ ստին, փողին, սատանային ծառայողներ են, սրանից կամ նրանից փող են վերցնում։ Ոչ մի բանից չնեղվեք, ժողովուրդ ջան, ձեզ ձեռ են առնում, ծաղրում են, կաշառք են առաջարկում։

Կարծում են, թե այստեղ մարդիկ հայրենիք չունեն։ Այդ մարդիկ, որոնք այս հողը չեն համարում մերը, մեր անտառներում կերուխում էին անում։ Եթե այս հողը մեր չէր, ինչո՞ւ էիք եկել մեր անտառներում քեֆ անում»,- իր խոսքում նշեց Սրբազանը։