կարևոր
1927 դիտում, 2 շաբաթ առաջ - 2024-04-03 18:32
Հասարակություն

«Գոյ» թատրոնի դիմաց դերասանները անժամկետ նստացույց են սկսել

«Գոյ» թատրոնի դիմաց դերասանները անժամկետ նստացույց են սկսել

«Գոյ» թատրոնի դիմաց դերասանները անժամկետ նստացույց են սկսել: Այս մասին տեղեկանում ենք թատրոնի ֆեյսբուքյան էջից:

Նախօրեին դերասաբն Սարգիս Արզումանյանը հայտարարել էր, որ անժամկետ նստացույց է սկսելու թատրոնի մոտ:

«Նստելու եմ մեր «Գոյ» թատրոնի դռան մոտ այնքան, մինչեւ վարչապետն ու Ժաննա Անդրեասյանը այս ամենին տան դրական պատասխան: Նստելու եմ այնքան, մինչեւ մեր թատրոնի դուռը մեր առաջ բացվի ու ես իմ ընկերների հետ մտնեմ թատրոն»,- ասել էր նա:

Հիշեցնենք, որ Գաբրիել Սունդուկյանի անվան թատրոնի տնօրինությունը փակել է Գոյ թատրոնի մուտքի դուռը և խոչընդոտում է «Գոյ» թատրոնի բնականոն աշխատանքներին։ Գոյ թատրոնի անձնակազմը փորձելու է մուտք գործել թատրոն Գաբրիել Սունդուկյանի անվան թատրոնի մուտքով և Գաբրիել Սունդուկյանի անվան թատրոնի տնօրենից պարզաբանումներ ստանալ:

Նշենք, որ կառավարության որոշմամբ Գ. Սունդուկյանի անվան ազգային ակադեմիական թատրոնի և «Գոյ» բեմարվեստի ազգային փորձարարական կենտրոնի վերամիավորման ակտը հունվարի 15-ին սահմանված կարգով ստորագրվել է:

Մինչդեռ  «Գոյ» թատրոնը դիմել էր վարչական դատարան՝ պահանջելով անվավեր ճանաչել կառավարության որոշումը, որի համաձայն՝ թատրոնը պետք է լուծարվեր և միանար Գ. Սունդուկյանի անվան ազգային ակադեմիական թատրոնին։