Էսօրվա իշխանությունն է արցախցուն դարձրել անտուն, անհայրենիք․ պետք է պատասխան տա՞ն, թե՝ չէ․ Իշխան Սաղաթելյան

«Թեզը, որ արցախցին հանձնեց, Արցախի իշխանությունները տվեցին, զենքը հանձնեցին և դուրս եկան, դա ամենամեծ սրիկայությունն է, որ արվում է արցախահայերի նկատմամբ ու դա անւմ է Հայաստանի օրվա իշխանութունն ու իրենց սպասարկող խմբակը։ Մենք տեսել ենք, թե ինչ պայմաններում է պատերազմից հետո  պայքարել արցախցին, 9 ամիս ինչպիսի պայմաններ է ունեցել  և էդ մեկօրյա պատերազմի ընթացքում թշնամուն որքան զոհեր է պատճառել։ Հետևաբար՝ սրիկա են նրանք, ովքեր չեն գնահատում արցախցիների պայքարը։,-այս մասին հրազդանցիների հետ հանդիպմանն ասաց ՀՅԴ Հայաստանի ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը՝ պատասխանելով  դահլիճում ներկա արցախցի կնոջ հարցին։

Նշենք, որ հանդիպումը քաղաքացիների հետ տեղի է ունենում Հրազդանի Դրամատիկական Թատրոնում։ Մասնակցում են ԱԺ «Հայաստան» խմբակցության ղեկավար Սեյրան Օհանյանը, խմբակցության պատգամավորներ Լիլիթ Գալստյանը, Աննա Գրիգորյանը, Էլինար Վարդանյանը, Քրիստինե Վարդանյանը, Արթուր Խաչատրյանը և Աշոտ Սիմոնյանը։

Մանրամասն՝ տեսանյութում։