Եվրապատգամավորները կոչ են արել պաշտպանել ԼՂ-ի հայկական մշակութային և կրոնական ժառանգությունը

Եվրոպական խորհրդարանի մի քանի տասնյակ պատգամավորներ դիմել են ԵԽ նախագահ Շառլ Միշելին ու կառույցի մյուս ղեկավարներին՝ կոչ անելով քայլեր ձեռնարկել Լեռնային Ղարաբաղի հայկական մշակութային և կրոնական ժառանգության պաշտպանության համար։ Նամակը «X»-ի իր միկրոբլոգում հրապարակել է Եվրոպական խորհրդարանի պատգամավոր Միրիամ Լեքսմանը ՝ տեղեկացնելով այդ մասին։

«Մենք անհանգստացած ենք, որ Լեռնային Ղարաբաղի հազարամյա հայկական մշակութային և կրոնական ժառանգությունը գտնվում է ոչնչացման, պղծման և յուրացման անմիջական սպառնալիքի ներքո՝ միջազգային իրավունքի և ՄԱԿ-ի Արդարադատության միջազգային դատարանի 7.12.2021 թ.՝ իրավաբանորեն պարտադիր որոշման աղաղակող խախտմամբ: Այդ օբյեկտները մեր Եվրոպական ժառանգության կարևոր մասն են կազմում, և մեր պարտքն է ապահովել դրանց պահպանությունը»,- նշված է նամակում։