Ձևական բաներ ենք քննարկում մեծ հաշվով․ Լևոն Քոչարյանը՝ դատարանին

Երևան քաղաքի Ընդհանուր իրավասության դատարանում (Կենտրոն նստավայր)  շարունակվում է պատգամավոր Լևոն Քոչարյանի և Հայաստանի եռամարտի ֆեդերացիայի քարտուղար Սերգեյ Ասատուրովի վերաբերյալ քննվող գործով  դատական նիստը։

Հիշեցնենք, որ Փետրվարի 7-ին կայացած նիստում  Լևոն Քոչարյանի փաստաբանները միջնորդեցին խափանման միջոց՝ երկրից բացակայելու մասին արգելքը վերացնել՝ հիմնավորելով, որ Լևոն Քոչարյանը ընդգրկված է Ժնև մեկնող պատգամավորական կազմում,  որը պետք է մասնակցի միջխորհրդարանական միության վեհաժողովին։

Պաշտպանական թիմը նոր միջնորդություն ներկայացրեց՝ փոխել խափանման միջոց արգելքը՝ մինչև 3 մլն դրամ գրավով, որից հետո Լևոն Քոչարյանն իր խոսքում ասաց, որ մեծ հաշվով ձևական բաներ են քննարկվում։

Հիշեցնենք` Լևոն Քոչարյանին և Սերգեյ Ասատուրովին մեղադրում են սեպտեմբերի 22-ին տեղի ունեցած խաղաղ ցույցի ժամանակ կարմիր բերետավորների «օրինական պահանջը» չկատարելու և ոստիկաններին ծեծելու մեջ։ Ըստ իրավապահների՝ Լևոն Քոչարյանը ծեծի է ենթարկել 4 կարմիր բերետավորի։

Մանրամասն՝ տեսանյութում։