02 05 2024
|
||
---|---|---|
EUR | ⚊ | 416.21 |
GBP | ⚊ | 486.55 |
GEL | ⚊ | 144.68 |
RUB | ⚊ | 4.16 |
USD | ⚊ | 388 |
Իրանի արտաքին գործերի նախարար Հոսեյն Ամիր Աբդոլլահիանը նամակներ է ուղարկել Միջազգային քրեական դատարանի (ՄՔԴ) նախագահ Պյոտր Հոֆմանսկիին և դատախազ Քարիմ Ահմադ Խանին՝ պահանջելով դադարեցնել Իսրայելի գործողությունները Գազայի հատվածում, գրում է ТАСС-ը։
Համապատասխան հայտարարությունը հրապարակվել է Իսլամական Հանրապետության արտաքին գործերի նախարարության հեռագրային ալիքում։
«Իրանի արտաքին գործերի նախարար Հոսեյն Ամիր Աբդոլլահիանը նամակներ է ուղարկել ՄՔԴ նախագահին և դատախազին՝ ընդգծելով Գազայի հատվածում վերջին հանցագործությունների հետաքննությունն արագացնելու անհրաժեշտությունը։ Գազայի հատվածի բարբարոսական ռմբակոծումը և Իսրայելի ներխուժումն անկլավ, որի հետևանքով զոհվել է ավելի քան 14 հազար խաղաղ բնակիչ և վիրավորվել առնվազն 32 հազարը, ռազմական հանցագործությունների վառ օրինակներ են։ Դրանք պետք է համարվեն մարդկության դեմ ուղղված հանցագործություններ և ցեղասպանության ակտեր»,- ասվում է նամակներում։
Իրանի արտաքին գործերի նախարարը ՄՔԴ-ի կողմից այս գործի քննարկումն անվանել է նշված դատական մարմնի անկախության և անաչառության փորձություն։ Նա հավելել է, որ ՄՔԴ-ն այժմ պետք է որոշում կայացնի՝ դիմակայել որոշ տերությունների կողմից իր վրա գործադրվող ճնշումներին, կամ նահանջել և թույլ տալ, որ Իսրայելի կողմից իրականացված վայրագությունները անպատիժ մնան