Արցախում մնացած սակավաթիվ հայերը Հայաստան տեղափոխվելու ցանկություն են հայտնում. արդեն 50 անձ տեղափոխվել է

Նոյեմբեր ամսին եւս Արցախից ԿԽՄԿ-ի միջնորդությամբ, անձինք են տեղափոխվել ՀՀ։ ԿԽՄԿ հայաստանյան գրասենյակից «Փաստինֆո»-ի հարցին ի պատասխան հայտնեցին, որ ընդհանուր առմամբ՝ այս ընթացքում Արցախից ՀՀ է տեղափոխվել 50 անձ։

«Ժամանակ առ ժամանակ` մարդկանց ցանկությամբ, փորձում ենք աջակցել և օգնել տեղափոխվել»,- նշեցին ԿԽՄԿ-ից։

Նշենք, որ «Փաստինֆո»-ն ահազանգ էր ստացել, որ վերջերս Արցախից ՀՀ է տեղափոխվել տարեց տղամարդը, ում մասնակցությամբ ադրբեջանցիները տեսանյութ էին տարածել։ Ընդ որում՝ տվյալներ կան, որ նրա մատները կտրված են եղել, այսինքն՝ այդրբեջանցիները նրան խոշտանգել են։ ԿԽՄԿ-ից այս մասով որևէ մեկնաբանություն չտվեցին՝ նշելով, որ մասնավոր անձանց հետ կապված հարցերը չեն քննարկում հանրային տիրույթում։

Աղբյուր` Փաստինֆո