կարևոր
1516 դիտում, 7 ամիս առաջ - 2023-11-06 17:29
Քաղաքական

Ադրբեջանը կոչ է արել Հայաստանին բաց չթողնել «խաղաղության համաձայնագրի» հնարավորությունը․ Բայրամով

Ադրբեջանը կոչ է արել Հայաստանին բաց չթողնել «խաղաղության համաձայնագրի» հնարավորությունը․ Բայրամով

Ադրբեջանի արտգործնախարար Ջեյհուն Բայրամովը Բուխարեստում իր ռումինացի գործընկեր Լումինիցա Օդոբեսկուի հետ համատեղ ասուլիսում Հայաստանին կոչ է արել բաց չթողնել խաղաղության համաձայնագրի հնարավորությունը։ Այս մասին գրում է «ՌԻԱ Նովոստի»-ին։

««Ադրբեջանական հողերի օկուպացիայի» ավարտը և այդ հողերի վրա մեր ինքնիշխանության վերականգնումը նոր հեռանկարներ են բացում Ադրբեջանի և Հայաստանի միջև հարաբերությունների կարգավորման համար։ Այս կարգավորումը, որը հիմնված է միմյանց ինքնիշխանության, տարածքային ամբողջականության և սահմանների անձեռնմխելիության փոխադարձ ճանաչման և հարգանքի վրա, ոչ միայն կծառայի Ադրբեջանին և Հայաստանին, այլև կապահովի համագործակցության չօգտագործված հնարավորությունների բացումը տարածաշրջանում և նրա սահմաններից դուրս»,- ասել է Բայրամովը։

Հայաստանի հետ բազմաթիվ պայմանավորվածություններ չկատարած Ադրբեջանի ԱԳ նախարարը նաև ասել է.

«Ընդգծում եմ Ադրբեջանի խաղաղության օրակարգը։ Մենք մյուս կողմից կառուցողական մոտեցում և փոխադարձ քայլեր ենք ակնկալում: Հուսով ենք, որ այս առանձնահատուկ շանսը բաց չի թողնվի»։