ԱՄՆ-ի և Չինաստանի միջև մայիսին առևտրային համաձայնագրի կնքման հնարավորությունը կասկածներ է առաջացնում

ԱՄՆ-ի և Չինաստանի միջև մայիսին առևտրային համաձայնագրի կնքման հնարավորությունը կասկածներ է առաջացնում Միացյալ Նահանգների նախագահ Դոնալդ Թրամփի հայտարարությունից հետո, ըստ որի` նոր մաքսեր են սահմանվում չինական ապրանքների համար: Այս մասին տեղեկացնում է The Wall Street Journal-ը:

«Դեպի կոշտ գիծ ուղղվող շրջադարձը հակասում է վերջերս վարչակազմի արտահայտած լավատեսությանը, ինչն էլ խափանում է այս շաբաթ բանակցությունների հնարավոր եզրափակիչ փուլի ծրագրերը»,- նշված է հրապարակման մեջ:

Նախագահ Թրամփը հայտարարել է նաև, որ արդեն ուրբաթ օրվանից ցանկանում է մաքսեր սահմանել մինչ այդ տուրքերով չհարկվող` 325 միլիարդ դոլար արժողությամբ չինական արտադրանքի համար: Նա այդ մասին ասել է Չինաստանի Պետխորհրդի փոխվարչապետ Լյու Հեի ղեկավարած` չինական ներկայացուցչական առևտրական պատվիրակության հետ հանդիպման նախօրեին:

Համաձայն լրատվամիջոցների աղբյուրների`նոր սակագների վերաբերյալ հայտարարությունից հետո այցը կարող է չկայանալ նշանակված ժամկետին, այն է` մայիսի 8-ին:

Նոր մաքսերի սահմանման պատճառը հավանաբար այն է, որ Թրամփը կարծում է, թե չինական կողմը փորձում է փոփոխություններ մտցնել գործնականում արդեն պատրաստ համաձայնագրի մեջ: