Այս մարդիկ չունեն տարրական հարգանք պետական ինստիտուտի նկատմամբ․ Գոհար Մելոյանը` Էմմա Պալյանին

Սահմանադրական իրավունքի մասնագետ Գոհար Մելոյանն անդրադարձել է ամուսնուն իր օգնականը նշանակելու մասին ՔՊ-ական պատգամավոր Էմմա Պալյանի հայտարարությանը և գրել.

«Սա այս ուժի հավաքական պատկերը, մտածողությունն ու աշխարհընկալումն է:

«Խնամի-ծանոթ-բարեկամ» (ԽԾԲ) ինստիտուտի դեմ լալահառաչ ու սրտաճմլիկ ելույթներով պայքար մղող ուժն աննախադեպ ռեկորդային է ԽԾԲ նշանակումների քանակով։

Այս մարդիկ չունեն տարրական հարգանք պետական ինստիտուտի նկատմամբ, անգամ օրենքի պահանջները խախտելուց չեն կաշկանդվում, ուր մնաց հայրենիք, հայրենասիրություն, իրավունքի գերակայություն, մարդու իրավունքներ, Արցախի ինքնորոշում և մի շարք այլ վեհ երևույթների վերաբերյալ գիտակցության առկայություն ունենան»: