կարևոր
2590 դիտում, 7 ամիս առաջ - 2023-10-17 17:04
Քաղաքական

Դաշնակցությունը չի ընդունելու մեզ պարտադրվող ճակատագիրը․ Հակոբ Տեր-Խաչատուրյան

ՀՅԴ Հայ դատի Ամերիկայի Միացյալ Նահանգների, Կանադայի, Հարավային Ամերիկայի եւ Ավստրալիայի հանձնախմբերի ու գրասենյակների ներկայացուցիչները հոկտեմբերի 14-ին եւ 15-ին հավաքվել էին Վաշինգտոնում՝ վերանայելու Արցախի եւ Հայաստանի Հանրապետության շուրջ ստեղծված իրավիճակում իրենց մարտավարական առաջնահերթություններն ու քննարկելու ընթացիկ աշխատանքները։ Խորհրդաժողովի շրջանակում, հոկտեմբերի 14-ին՝ պանելային քննարկման ժամանակ ելույթ է ունեցել ՀՅԴ Բյուրոյի ներկայացուցիչ, ՀՅԴ Հայ դատի կենտրոնական խորհրդի նախագահ Հակոբ Տեր-Խաչատությանը։ 

«Հայ Յեղափոխական Դաշնակցության համար ոչ մի կերպ այս ճակատագիրը ընդունելի չէ։ Կորսվածը՝ ճակատամարտն էր, իսկ պատերազմը եւ պայքանը շարունակվում են։ Մենք նահանջել չգիտենք» ,-ասել է Տեր-Խաչատուրյանը։ Իր ելույթում նա ընդգծել է ստեղծված աղետալի իրավիճակում հայ ժողովրդի իրավունքների համար պայքարը նոր ուժով ու նոր շեշտավորումներով շարունակելու կարեւորությունը։