Դատավոր Արամայիս Ասատրյանկ մեկ ամսով կալանավորել է բոլոր ռազմական գործողությունների մասնակից Էրիկին․ փաստաբան

Դատավոր Արամայիս Ասատրյանկ մեկ ամսով կալանավորել է բոլոր ռազմական գործողությունների մասնակից Էրիկին՝ մեկ ոստիկանի ցուցմունքի հիման վրա։

Այս մասին հայտնում է իրավապաշտպան Ռոբերտ Հայրապետյանը։

«Ճանաչե՛նք՝ դատավոր Արամայիս Ասատրյան։ Երեկ կալանավորեց Շուշիից Էրիկին, ով մասնակցել է բոլոր ռազմական գործողություններին, Հայաստան էր եկել երեխայի բժշկական հետազոտության համար և ճանապարհների փակվելու պատճառով չէր կարողացել վերադառնալ Արցախ։ Ընտանիքի միակ աշխատողն է, ունի անչափահաս երեխաներ, ապրում է վարձակալական հիմունքներով։ Կալանավորման պահին լուր չուներ Արցախում գտնվող զինծառայող հորից։ Կալանավորվել է «ոստիկանի» ցուցմունքի հիման վրա՝ մեկ ամիս ժամկետով»,- գրել է իրավապաշտպանը՝ կից հրապարակելով դատավորի լուսանկարը։