Միկա Բադալյանն այս պահին հարցաքննվում է

Բլոգեր Միկա Բադալյանի մասնակցությամբ այս պահին քննչական գործողություններ են իրականացվում, նա հարցաքննվում է։ Այս մասին «Փաստինֆո»-ի հետ զրույցում հայտնեց փաստաբան Էրիկ Ալեքսանյանը։

Հիշեցնենք, որ բլոգեր Միկա Բադալյանն ու Sputnik Արմենիայի ռադիոյի սյունակագիր Աշոտ Գեւորգյանը ձերբակալվել են ՀՀ քրեական օրենսգրքի 335-րդ հոդվածի 2-րդ մասի հատկանիշներով ՀՀ ԱԱԾ-ում նախաձեռնված և ՀՀ քննչական կոմիտեին փոխանցված քրեական վարույթի շրջանակներում։ Քրեական վարույթով այս պահին ձերբակալված է 7 անձ։

Ալեքսանյանը հայտնեց, որ Բադալյանը ձերբակալվել է՝ 72 ժամով՝ զենք զինամթերք ձեռք բերելու, պահելու կասկածանքով, այժմ գտնվում է Սյունիքի մարզային քննչական վարչությունում, որտեղ նրա մասնակցությամբ քննչական գործողություններ են իրականացվում։

Նշենք, որ  լրագրողի ու բլոգերի ձերբակալությունը մեծ արձագանք է գտել ռուսական ԶԼՄ-ներում, թեմային անդրադարձել է նաեւ ՌԴ ԱԳՆ-ի պաշտոնական ներկայացուցիչ Մարիա Զախարովան, որը այն որակել է սադրանք։

«Սա նրանց սադրանքն է, որոնք ուզում են փչացնել հարաբերությունները երկու երկրների միջև, Արևմուտքը մեծ գումարներ է ներդրել դրա մեջ», - գրել է Զախարովան թելեգրամի իր ալիքում։

 ՌԴ ԱԳՆ պաշտոնական ներկայացուցիչը նաև նշել է, որ չի հավատում, որ համընդհանուր ազատության կարգախոսներով իշխանության եկած Հայաստանի ղեկավարությունը հետապնդում է լրագրողներին։

Հայտարարությամբ է հանդես եկել նաեւ ՌԴ դեսպանատունը` հայտնելով իր մտահոգությունը:

Աղբյուր` Փաստինֆո