կարևոր
3085 դիտում, 7 ամիս առաջ - 2023-08-30 12:40
Արցախ

Գաղտնիք չէ իմ կուսակցության վերաբերմունքը ՀՀ իշխանություններին․ Իշխանյան

Արցախցի լրագրողը ԱԺ  նախագահից հետաքրքրվեց, ինչպե՞ս է Դավիթ Իշխանյանը պատկերացնում իր հարաբերությունները ՀՀ պաշտոնակցի հետ․«Գաղտնիք չէ իմ կուսակցության վերաբերմունքը ՀՀ իշխանություններին և գաղտնիք չէ մեր կուսակցության մոտեցումները մեր պետականությանը։ Ես միշտ էլ կողմ եմ եղել և հիմա էլ կողմ եմ ինստիտուցիոնալ հարաբերություններին և այն հարաբերությունների դաշտը, որ ձևավորված է այսօր Արցախի Հանրապետության ԱԺ-ի եւ ՀՀ ԱԺ-ի միջև անընդունելի է»,-ասաց ԱՀ ԱԺ նախագահ Դավիթ Իշխանյանը։

Դավիթ Իշխանյանի խոսքով՝ թե հրապարակային և թե ոչ հրապարակային ընդհանուր քննարկումներ ունեցել են ՀՀ ԱԺ-ի հետ։

«Միջխորհրդարանական հարաբերություններն ու համագործակցությունը մեզ համար շատ կարևոր է, անցած 2 տարիներին չկար՝ բավարար չէր։ Այդ ամենը բավարար մակարդակի բարձրացնելու համար Ալեն Սիմոնյանի՝ ինձ շնորհավորելու հանգամանքը առաջին քայլ էր, որ մենք վերականգնենք այդ հարաբերությունները։ Սա չպետք է դիտարկվի անձնական հարաբերությունների կոնտեքստում՝ զուտ ինստիտուցիոնալ։ Արցախի և Հայաստանի միջև հարաբերությունները ոչ միայն ԱԺ-ների մակարդակով, այլ բոլոր գերատոսչությունների մակարդակով պետք է վերականգնել այն քաղաքական հարաբերությունները, ինչ ունեինք»,- նշեց Իշխանյանը։