կարևոր
2767 դիտում, 11 ամիս առաջ - 2023-04-18 16:59
Աշխարհ

Մոսկվայում բանակցում են՝ Հայաստանից Ռուսաստան կաթնամթերքի մատակարարման վերականգնման շուրջ

Մոսկվայում բանակցում են՝ Հայաստանից Ռուսաստան կաթնամթերքի մատակարարման վերականգնման շուրջ

Ապրիլի 17-ին՝ Մոսկվայում հայկական կողմի նախաձեռնությամբ, Ռոսսելխոզնադզորի ղեկավար Սերգեյ Դանկվերտի և ՀՀՍննդամթերքի անվտանգության տեսչական մարմնի ղեկավար Արմեն Հայրապետյանի միջև տեղի են ունեցել բանակցություններ՝ Ռուսաստանի արտաքին գործերի նախարարության  մասնակցությամբ։ Մանրամասների մասին հայտնում է Ռոսսելխոզնադզորի մամուլի ծառայությունը։

Ավելի վաղ ծառայությունը հայտնել էր, որ ստուգման արդյունքում պարզվել է, որ Հայաստանից Ռուսաստան կաթնամթերքի մատակարարման պետական վերահսկողությունն անբավարար է։ Արդյունքում, Ռոսսելխոզնադզորը դիմել է ՀՀ անասնաբուժական ծառայությանը՝ կաթնամթերքի մատակարարումը դադարեցնելու խնդրանքով։

«Արմեն Հայրապետյանի խոքով, ինքն ուշադիր ուսումնասիրել է «Ռոսսելխոզնադզոր»-ի ստուգման հաշվետվությունը, որը Ռուսաստան կաթնամթերքի մատակարարումը վերահսկելու հարցում բացահայտում է մի շարք ծայրահեղ կարևոր խնդիրներ։

Վերահսկողության համակարգի թերությունները թույլ են տվել հայկական ընկերություններին արտահանել իրանական հումքից պատրաստված արտադրանք, որոնց վաճառքը Ռուսաստանում անթույլատրելի է։ Արդյունքում՝ 2022 թվականին, Հայաստանը 10 անգամ ավելացրել է բուսայուղի մատակարարումները։ Նման սխեմաները խաթարում են մրցակցային միջավայրը ոչ միայն ռուսական շուկայում, այլև անհավասարակշռություն են մտցնում ԵԱՏՄ տնտեսական գործունեության մեջ։

Սերգեյ Դանկվերտն ընդգծել է, որ Ռուսաստանը լիովին ապահովված է կաթնամթերքով, որն արտադրվում է երկրի բոլոր մարզերում և արտահանվում արտաքին շուկաներ, և կարող է շահագրգռված լինել միայն հայկական խոհանոցի ավանդական և բացառապես հայկական հումքից պատրաստված արտադրանք ձեռք բերելով։

Ստեղծված իրավիճակը կարգավորելու և գերատեսչությունների միջև վստահության նախկին մակարդակը վերականգնելու նպատակով, կողմերը պայմանավորվել են իրականացնել փուլային աշխատանքներ։

Հայաստանը կստուգի կաթնամթերք վերամշակող ընկերությունների աշխատանքը, և Ռոսսելխոզնադզորի ծառայությանը կուղարկի այն ձեռնարկությունների ցուցակները, որոնք կարող են բավարարել ռուսական պահանջները։ Ռոսսելխոզնադզորը կստուգի դրանք և արդյունքների հիման վրա որոշում կկայացնի Ռուսաստանի հետ առևտրի մեջ մտնելու մասին»,- ասվում է հաղորդագրության մեջ։