Պուտինն ու Լուկաշենկոն պայմանավորվել են Մինսկին զինտեխնիկայի մատակարարման շուրջ

Բելառուսի և Ռուսաստանի նախագահներ Ալեքսանդր Լուկաշենկոն և Վլադիմիր Պուտինը Մոսկվայում կայացած հանդիպման ժամանակ պայմանավորվել են Մինսկին մատակարարել ժամանակակից  ռազմական տեխնիկա« հայտնել է Բելառուսի պետության ղեկավարի մամուլի քարտուղար Նատալյա Էյսմոնտը։ Այս մասին գրում է «ՌԻԱ Նովոստի»-ն։

«Զրույցի ընթացքում մեծ ուշադրություն է դարձվել ռազմարդյունաբերական համալիրի զարգացմանը և Միութենական պետության պաշտպանությանը։ Մասնավորապես` մենք պայմանավորվել ենք մոտ ապագայում Ռուսաստանի կողմից Բելառուսի Հանրապետությանը ռազմական տեխնիկայի ամենաժամանակակից մոդելների մատակարարման մասին», - մեջբերում է Էյսմոնտին Sputnik-ի բելառուսական ծառայությունը։

Իր հերթին, «Բելառուսը կավելացնի ժամանակակից գյուղատնտեսական, մարդատար տեխնիկայի և այլ ինժեներական ապրանքների մատակարարումը»: