կարևոր
4873 դիտում, 1 տարի առաջ - 2023-04-13 22:15
Հասարակություն

Արգիշտի Քյարամյանը ՔԿ-ից հեռացավ «թուրքի շուն», «դավաճան», «ամոթ» վանկարկումների ներքո

Արգիշտի Քյարամյանը ՔԿ-ից հեռացավ «թուրքի շուն», «դավաճան», «ամոթ» վանկարկումների ներքո

Քննչական կոմիտեի նախագահ Արգիշտի Քյարամյանը մեքենայով հեռացավ զոհվածների ծնողների «թուրքի շուն», «դավաճան», «ամոթ» վանկարկումների ներքո՝ այդպես էլ չհանդիպելով ծնողների հետ:

Մեծ թվով ոստիկաններ պատը են կազմել, որպեսզի ակցիայի մասնակիցները չմոտենան ՔԿ շենքին: Արգիշտի Քյարամյանի հեռանալուց հետո ոստիկանները նույնպես հեռացան:

Հիշեցնենք, որ զոհված զինծառայողների ծնողները փակել են Մամիկոնյանց փողոցը:

Նշենք, որ այսօր զոհված զինծառայողների հարազատները ՔԿ-ի դիմաց 24-ժամյա նստացույց են սկսել: Նրանք պահանջում են անհապաղ պատասխանատվության ենթարկել այն 12 ոստիկաններին, որոնք «Եռաբլուրում» սեպտեմբերի 21-ին փաստացի մարմնական վնասվածքներ են հասցրել զոհված զինծառայողների ծնողներին: Նրանք բողոքում են, որ մինչ օրս որեւէ ոստիկանի մեղադրանք չի առաջադրվել:

Նախորդ տարվա սեպտեմբերի 21-ին Եռաբլուր զինվորական պանթեոնում Արցախյան երրորդ պատերազմում զոհված զինծառայողների ծնողների նկատմամբ ոստիկանության ծառայողները  բռնություն էին գործադրել։ Այս դեպքով ոստիկանների ու ծնողների միջև առերեսումներ են եղել։