Բլինքենը Փաշինյանի հետ հեռախոսազրույցից հետո գրառում է արել

ԱՄՆ պետքարտուղար Էնթոնի Բլինքենը թվիթերյան իր էջում անդրադարձել է Նիկոլ Փաշինյանի հետ ունեցած հեռախոսազրույցին։

«Այսօր խոսել եմ վարչապետ Նիկոլ Փաշինյանի հետ եւ վերահաստատել ԱՄՆ հանձնառությունը՝ օգնելու Հայաստանին եւ Ադրբեջանին հասնել կայուն խաղաղության։ Դիվանագիտությունը Հարավային Կովկասում խաղաղության հասնելու միակ ճանապարհն է»,- գրել է նա։

Նշենք, որ Նիկոլ Փաշինյանն այսօր Ադրբեջանի կողմից Լաչինի միջանցքի ապօրինի շրջափակման հետեւանքով ստեղծված հումանիտար ճգնաժամին վերաբերող հարցեր է քննարկել Էնթոնի Բլինքենի հետ, ԱՄՆ պետքարտուղարը վերահաստատել է Լաչինի միջանցքն անհապաղ վերաբացելու մասին իր կոչը։