Հունաստանի արտգործնախարարը ժամանել է Թուրքիա

Հունաստանի արտաքին գործերի նախարար Նիկոս Դենդիասը ժամանել է Թուրքիայի Ադանա քաղաք, որտեղ խոշոր ավերածություններ են տեղի ունեցել Ղահրամանմարաշում տեղի ունեցած երկրաշարժերից հետո, հայտնում է Anadolu-ն։

Շաքիրփաշա օդանավակայանում վայրէջք է կատարել Հունաստանի արտաքին գործերի նախարարության ղեկավարի անձնական ինքնաթիռը, որտեղ հույն նախարարին դիմավորել է թուրք գործընկեր Մեւլյութ Չավուշօղլուն։

Նախարարները օդանավակայանում մամուլի համար փակ հանդիպում են անցկացրել։

Վերջին տվյալներով՝ Թուրքիայում երկրաշարժերի զոհերի թիվը գերազանցել է 24 600-ը։

Հիշեցնենք, որ փետրվարի 6-ի առավոտյան 7,7 մագնիտուդ ուժգնությամբ երկրաշարժ է տեղի ունեցել Թուրքիայի Մարաշ քաղաքի մերձակայքում գտնվող Պազարջիկ շրջանում տեղական ժամանակով 04:17-ին։ Հաշվարկվել է մոտ 42 հետցնցում, որոնցից ամենաուժեղի ուժգնությունը կազմել է 6,6 մագնիտուդ։ Ավելի ուշ 7,5 մագնիտուդ ուժգնությամբ եւս մեկ երկրաշարժ է գրանցվել։

Թուրքիայում յոթնօրյա սուգ է հայտարարվել։