կարևոր
2950 դիտում, 1 տարի առաջ - 2022-11-23 16:49
Քաղաքական

Թուրքիայի ու ՆԱՏՕ-ի շահերի սպասարկուները տեղ չպետք է ունենան Հայաստանում. Էդուարդ Շարմազանով

Թուրքիայի ու ՆԱՏՕ-ի շահերի սպասարկուները տեղ չպետք է ունենան Հայաստանում. Էդուարդ Շարմազանով

ՀՀԿ խոսնակ Էդուարդ Շարմազանովը գրում է․

«Նժդեհը հայ-ռուսական բարեկամության ջատագով էր,հեռու մնացեք Նժդեհից ու Նժդեհի արձանից։

Վերջին օրերի ընթացքում նատօա-թուրքական շահերի սպասարկուները Գարեգին Նժդեհի արձանի մոտից իրականացնում են հակառուսական ու հակապետական ակցիաներ։

Սրանք Նժդեհին օգտագործելով փորձում են ներկայացնել որպես հակառուսականության սիմվոլ,որը դատապարտելի ու կեղծ թեզ է։

Ի գիտություն հասարակության նշեմ. Նժդեհը ունեցել է ռուսական կրթություն,ցարական բանակից արժանացել է պարգեւների ու պայքարել է Թուրքիայի դեմ։

Գարեգին Նժդեհը պատրաստ է եղել նույնիսկ ԽՍՀՄ օժանդակությանբ պայքարել Թուրքիայի դեմ,իսկ այսօրվա հակառուսականության քարոզիչները սպասարկում են Թուրքիայի ու ՆԱՏՕ-ի շահերը։

Նժդեհը հայ-ռուսական բարեկամության ջատագով է ու ասել է՝ցեղակրոնի միակ բնական զինակիցը ռուս մեծ ժողովուրդն է։

Հեռու մնացեք Նժդեհից ու նրա արձանից։

Այդ արձանը Անկախ Հայաստանի ու հայ-ռուսական բարեկամության խորհրդանիշ է։

Թուրքիայի ու ՆԱՏՕ-ի շահերի սպասարկուները տեղ չպետք է ունենան Հայաստանում»։