ՈՒՂԻՂ. Դատարանը քննում է Գերասիմ Վարդանյանին կալանավորելու միջնորդությունը

Գերասիմ Վարդանյանի պաշտպանը ինքնաբացարկի միջնորդություն ներկայացրեց նախագահող դատավոր Դավիթ Արղամանյանին:

Նշենք, որ Գերասիմ Վարդանյանի նկատմամբ հարուցվել է քրեական գործ նոյեմբերի 9-ի դեպքերով: Քնննիչներն այս նույն գործով արդեն ներկայացրել են չորս միջնորդություն, որոնցից մեկը կալանքի միջնորդություն, սակայն այն մերժվել է: Հերթական կալանքի միջնորդությունը քննելու է դատավոր Դավիթ Արղամանյանը։ Նա, ինչպես արդեն մամուլը բազմիցս գրել է՝ ակտիվորեն մասնակցել է 2018 թվականի իշխանափոխությանը, ավելին՝  «դըմփ-դըմփ-հու» անող թմբկահար է եղել:

Իշխանափոխությունից մեկ տարի հետո կարիերայի սրընթաց աճ ունեցավ և դարձավ ՀՀ տարածքային կառավարման և ենթակառուցվածքների նախարարի օգնական, իսկ դրանից երկու տարի անց էլ` դատավոր։ Վերջին շրջանում քաղաքական հնչեղություն ունեցող բոլոր գործերը մակագրվում են հենց Դավիթ Արղամանյանին: Թե ինչ որոշում կկայացնի կոնկրետ այս գործով, որում քննիչները համառորեն կալանքի միջնորդություններ են ներկայացնում, կարելի է կռահել:

Մանրամասն՝ ուղիղ հեռարձակմամբ: