Թուրքիան փակում է «Մուսուլման եղբայրներ» հեռուստաալիքը՝ Եգիպտոսի հետ մերձեցման ֆոնին

«Մուսուլման եղբայրներ» շարժմանը պատկանող Mekameleen հեռուստաալիքը հայտարարել է Թուրքիայից հեռարձակումը դադարեցնելու մասին, որտեղ այն գործում էր վերջին ութ տարիներին։

Հեռուստաալիքի ղեկավարությունն իր պաշտոնական կայքում շնորհակալություն է հայտնել թուրքական իշխանություններին «արտակարգ իրավիճակներում հյուրընկալության համար»։

Ըստ արաբական և թուրքական լրատվամիջոցների՝ հեռուստաալիքի փակման պատճառ է դարձել Թուրքիայի և Եգիպտոսի մերձեցումը, որի իշխանությունները հեռուստաալիքի մշտական քննադատության առարկան էին։

Նշենք, որ Թուրքիան իր հարաբերությունները վատթարացրել էր Եգպիտոսի հետ, այն բանից հետո, երբ «Մուսուլման եղբայրները» զրկվեցին իշխանությունից: