ՏԵՍԱՆՅՈՒԹ․ Բախումների մասին հայտարարությունները հին հնարք է, որ քիչ մարդ դուրս գա պայքարի․ Վահե Հակոբյան

Լուրերը, որ բախումներ են սպասվում, շատ հին հնարք է, որով իշխող ուժը փորձում է հնարավորին չափ ամեն ինչ անել, որ քիչ մարդ դուրս գա այս պայքարին միանալու համար՝ ըստ Yerkir.am-ի հայտարարեց ԱԺ «Հայաստան» խմբակցության պատգամավոր Վահե Հակոբյանը, որը միացել է Երևան մտած՝ «Դիմադրություն» շարժման երթերին։

«Միասին՝ Ոստիկանությունը, ԱԱԾ-ն, մարդու իրավունքների պաշտպանն ու մի քանի դեսպանատուն հայտարարություներ են անում, որ իբր բախումներ են լինելու։ Եթե տրամաբանական շղթան շարեք՝ կհասկանաք, որ արհեստական լարվածություն են մտցնում։ Իհարկե, ինչ վերաբերում է մեզ՝ մենք որևէ բախման չենք գնում, հակառակ կողմից չեմ տեսնում որևէ ուժ, որն այս ժողովրդի հետ պատրաստ լինի գնալ բախման»,-ասաց Վահե Հակոբյանը։

Նշենք, որ Հայաստանի խորհրդանշական 4 կողմերից՝ Իջևանից, Տիգրանաշենից, Սարդարապատից ու Ապարանից դեպի Երևան շարժվող՝ «Դիմադրություն» շարժման քայլերթերն արդեն մտել են Երևան։ Նրանց դիմավորել են մայրաքաղաքի մուտքի մոտ ու ուղեկցել Ֆրանսիայի հրապարակ, որտեղ էլ ժամը 16։00-ին տեղի կունենա համաժողովրդական հանրահավաքը՝ ապազագին իշխանություններին հեռացնելու ու Արցախը հայկական պահելու պահանջով։

Մանրամասն՝ տեսանյութում․