Ալիևը Մակրոնին խնդրել է օգնել Հայաստանի հետ համաձայնագիր կնքել իր պայմաններով

Ալիևը շնորհավորել է Էմանուել Մակրոնին Ֆրանսիայի նախագահի պաշտոնում վերընտրվելու կապակցությամբ․ հայտնում է «Ինտերֆաքս»-ի ադրբեջանական ծառայությունը:

Նա շնորհավորանքի տեքստում անդրադարձել է Հարավային Կովկասում իրավիճակի զարգացմանը, մասնավորապես՝ «Հայաստանի եւ Ադրբեջանի միջեւ հարաբերությունների կարգավորման գործընթացին»։

Ալիևը հույս է հայտնել, որ Ֆրանսիան, որը նախագահում է Եվրամիությունում, կաջակցի Հայաստանի և Ադրբեջանի միջև հարաբերությունների կարգավորման գործընթացին և խաղաղության համաձայնագրի նախապատրաստմանը Ադրբեջանի ներկայացրած հինգ սկզբունքների հիման վրա՝ Հարավային Կովկասում կայուն խաղաղություն և կայունություն ապահովելու համար։