Թրամփը խնդրել է Մակրոնին` հեռախոսազրույց կազմակերպել Ռոհանիի հետ

ԱՄՆ նախագահ Դոնալդ Թրամփը Ֆրանսիայի նախագահ Էմանուել Մակրոնին  խնդրել է հեռախոսազրույց կազմակերպել Իրանի նախագահ Հասան Ռոհանիի հետ, սակայն նա մերժել է: Այդ մասին գրել է Washington Post-ը` իր աղբյուրներին հղումով. հայտնում է РИА Новости-ն:

Պարբերականի տվյալներով` երկխոսություն կազմակերպելու փորձերը նախաձեռնվել են սեպտեմբերի 19-ին, երբ բոլոր երեք ղեկավարները գտնվել են Նյու Յորքում` ՄԱԿ-ի Գլխավոր վեհաժողովի նստաշրջանում: Նման խնդրանքով Մակրոնին դիմել է ԱՄՆ պետքարտուղար Ռեքս Թիլերսոնը:

Իրանի ներկայացուցիչները նույն օրը պատասխանել են ֆրանսիական պատվիրակությանը, որ չեն հավատում առաջարկի լրջությանը: