Ռուսաստանի ԶՈՒ-ն բարձր ճշգրտության հրթիռներով Ուկրաինայում ոչնչացրել է ազգայնամոլների մինչեւ երկու վաշտ

Ռուսաստանի զինված ուժերը օրվա ընթացքում բարձր ճշգրտության հրթիռներով խոցել են 13 ռազմական օբյեկտ եւ Ուկրաինայում ոչնչացրել ազգայնամոլների մինչեւ երկու վաշտ: Այս մասին հայտարարել է Ռուսաստանի Պաշտպանության նախարարության պաշտոնական ներկայացուցիչ Իգոր Կոնաշենկովը։

Նրա խոսքով՝ օրվա ընթացքում Ռուսաստանի օդատիեզերական ուժերի օդային բազավորման բարձր ճշգրտության հրթիռներով խոցվել է 13 ուկրաինական ռազմական օբյեկտ։

Մասնավորապես, խոցվել է Ուկրաինայի կառավարման երկու կետ, 11 հենակետեր եւ կենդանի ուժի եւ ռազմական տեխնիկայի կենտրոնացման վայրեր։

«Հարվածների հետեւանքով ոչնչացվել է ազգայնամոլների մինչեւ երկու վաշտ, ինչպես նաեւ 27 միավոր Ուկրաինական զրահատեխնիկա եւ ավտոմեքենաներ», — ասել է Կոնաշենկովը:

ՊՆ-ում հավելել են, որ Չերվոննոյե բնակավայրում ոչնչացվել է «Оса-АКМ» զենիթահրթիռային համալիրների համար նախատեսված հրթիռների պահեստը: