Ալիևը հայտարարել է, որ Փառուխ լեռը Ադրբեջանի վերահսկողության տակ է, և այնտեղ ծածանվում է Ադրբեջանի դրոշը

Այսօր Ֆարուխ լեռը մեր վերահսկողության տակ է, այնտեղ ծածանվում է Ադրբեջանի դրոշը։ Այս մասին ապրիլի 12-ին հայտարարել է Ադրբեջանի նախագահ Իլհամ Ալիեւը։

«Դա մեծ վտանգի աղբյուր էր։ Այնտեղից և այլ գյուղերից մի քանի անգամ կրակ է բացվել Աղդամի ուղղությամբ։ Ֆարուխ (Փառուխ) լեռը, իմ կարծիքով, հիմա հայտնի է ամբողջ աշխարհում, իսկ Ադրբեջանի մեծ լեռը՝ Ֆարուխ լեռը, այժմ մեր վերահսկողության տակ է, այնտեղ ադրբեջանական դրոշն է ծածանվում։ Խաչեն գետի անվտանգության և այդ ջրի օգտագործման համար մեծ նշանակություն ունի Ֆարուխ լեռը»,- ասել է Ալիևը` հավելելով, որ նախատեսում են վերակառուցել նաև Արցախից օկուպացված այլ ջրամբարներ ու ջրային տնտեսության համալիրներ: