ՏԵՍԱՆՅՈՒԹ․ Ֆրանսիայի հրապարակում իրարից անկախ մի քանի խումբ քաղաքացիներ եկել են՝ Արցախի դրոշը փոխելու․ Քրիստինե Վարդանյան

Դաշնակցության երիտասարդական միության ընկերներով եկանք, որ փոխենք Արցախի պղծված դրոշը, վերականգնենք այն անդառնալի հարվածը, որը իրականացվել է և Ֆրանսիայի հրապարակում նորից ծածանենք Արցախի Հանրապետության դրոշը՝ ըստ Yerkir.am-ի ասաց ՀՅԴ անդամ, ԱԺ «Հայաստան» խմբակցության պատգամավոր Քրիստինե Վարդանյանը, որն այլ ակտիվիստների հետ շտապել է Ֆրանսիայի հրապարակ, երբ լսել է, որ «Սասնա ծռեր» ահաբեկչական խմբավորման անդամները ներկել են ապրիլի 5-ի հանրահավաքի մասնակիցների բարձրացրած Արցախի դրոշը։

«Ամենաուրախալի փաստը, որ պիտի արձանագրենք, այն էր, որ մեզանից ավելի վաղ այստեղ էին հասել մի խումբ քաղաքացիներ, ովքեր արդեն փոխում էին դրոշը, և երբ փողոցն էինք անցնում, մեկ այլ խումբ քաղաքացիներ պատրաստվում էին էլի գալ՝ դրոշը փոխելու։ Հիմա Ֆրանսիայի հրապարակում իրարից անկախ մի քանի խումբ քաղաքացիներ եկել են՝ դրոշը փոխելու, որովհետև սա վերաբերում է մեր արժանապատվությանը․ սա է ամենակարևոր արձանագրումը»,-ասաց Քրիստինե Վարդանյանը։

Նա համոզված է, որ «Սասնա ծռերի» ձեռքով գործող իշխանությունն է այս կերպ պատասխան տալիս ապրիլի 5-ի հանրահավաքին։

«Պետք է արձանագրենք, որ իշխանությունը զավթած խմբակի պատասխանը Արցախի դրոշ ծածանելուն՝ այդ դրոշը պղծելն էր»,-ասաց Քրիստինե Վարդանյանը։

Մանրամասն՝ տեսանյութով․