Հայաստանի իշխանությունն իրականացնում է հիմար կկվի քաղաքականությունը. փորձում են Արցախը տալ, որ Հայաստանն ապահովագրեն. Արցախում ճակատագրական պահ է. Արթուր Խաչատրյան

Հայաստանի իշխանությունները փորձում են ամեն կերպ հրաժարվել Արցախից․ «Արցախ. պայքար Քարագլխի համար» թեմայով քննարկման ժամանակ հայտարարեց Աժ «Հայաստան» խմբակցության պատգամավոր Արթուր Խաչատրյանը։

«Այսօրվա իշխանությունները ցավագին են տանում, երբ ասում ենք՝ Արցախը տվեցին։ Կարծես թե փաստաթղթի տակ ես եմ ստորագրել, բոլորս գիտենք՝ ով է ստորագրել։ Իրենք իրականացնում են «Չարի վերջ»-ի հիմար կկվի քաղաքականությունը․ հիմար կկուն էլ կարծում էր, որ իր ձագին տա, աղվեսը դրանով կբավարարվի։ Հիմա փորձում են, Արցախը տալով, Հայաստանն ապահովագրել՝ առանց հասկանալու, որ Ադրբեջանը Արցախը կլանելուց հետո կանցնի նաև Հայաստանին»,- ասաց ընդդիմադիր պատգամավորը։

«Հիմա նույնիսկ դա են կտրել։ ՀՀ անվտանգության խորհրդի հայտարարությունը շատ տարակուսելի է. մի կողմից ասում են՝ Ադրբեջանը մտացածին հիմնավորումներով շարունակում է ագրեսիվ գործողությունները, մյուս կողմից ասում են՝ «եկեք խաղաղության պայմանագիր կնքենք»։ Քանի խնդիրը չենք լուծել, ի՞նչ խաղաղության պայմանագրի մասին է խոսքը»,- ընդգծեց ըննդիմադիր պատգամավորը։