Եվրախորհրդարանի պատվիրակության ղեկավարը դատապարտել է Ադրբեջանի թշնամական գործողությունները Արցախի խաղաղ բնակչության նկատմամբ

Եվրախորհրդարանի Հարավային Կովկասի հետ հարաբերությունների պատվիրակության ղեկավար Մարինա Կալյուրանդը Եվրախորհրդարանում մտահոգություն է հայտնել Լեռնային Ղարաբաղում տիրող հումանիտար իրավիճակի վերաբերյալ։ Իր հայտարարության մեջ նա կոչ է արել շուտափույթ վերսկսել բանակցությունները:

Կալյուրանդը խոսել է Ադրբեջանի կողմից վերահսկվող տարածքում գազատարի վնասման մասին, որի արդյունքում ամբողջ հանրապետությունը մեկ շաբաթից ավելի մնացել է առանց գազի, ինչպես նաև հայ-ադրբեջանական սահմանին և Արցախի հետ շփման գծում ադրբեջանական զինուժի կողմից արցախյան գյուղերի գնդակոծումների մասին:

Եվրախորհրդարանի պատգամավորը լուրջ մտահոգություն է հայտնել Լեռնային Ղարաբաղում հումանիտար իրավիճակի վերաբերյալ և խստորեն դատապարտել է խաղաղ բնակչության դեմ ուղղված ցանկացած թշնամական գործողություն՝ կոչ անելով վերսկսել բանակցությունները։