ՏԵՍԱՆՅՈՒԹ․ 170 մարդու գումարը «Դավինչի» տուրընկերությունը հափշտակել է և չի պատժվում․ բողոքի ակցիա

2021 թ-ի օգոստոսից «Դավինչի» տուրիստական ընկերությունից ձեռք ենք բերել տուրփաթեթներ հանգստի մեկնելու նպատակով, և այսօր 170 հոգուց ավելի տուժող է ընկերության կողմից խոշոր չափի գումարի հափշտակման քրեական գործով՝ ըստ Yerkir.am-ի ասաց կառավարության դիմաց բողոքի ակցիա իրականացնող տուժողներից մեկը։

Նա վստահեցրեց, որ 7 ամիս անցել է, բայց որևէ արդյունք չկա, գործը մտել է փակուղի,  որևէ մեկը չի առերեսվել, որևէ մեկը ինֆորմացիա չունի գործի ընթացքի մասին։

«170 հոգուց խաբեությամբ գումար հափշտակող անձն այսօր գտնվում է ազատության մեջ։ Եկել ենք՝ դիմում ներկայացնելու վարչապետին, գլխավոր դատախազին և քննչական կոմիտեի նախագահին խնդրի մասին։ Խնդրում ենք անձնական հսկողություն սահմանել գործի նկատմամբ, որպեսզի փոխհատուցվեն գումարները»,-ասաց ակցիայի մասնակիցը։

Մանրամասն՝ տեսանյութում․