ՏԵՍԱՆՅՈՒԹ․ «Քաղաքացիական պայմանագիր» խմբակցությունը թեկնածու չառաջադրեց Վարդենիսի համայնքապետի ընտրության ժամանակ

Վարդենիսի ավագանու՝ դատարանի որոշումից հետո առաջին արտահերթ նիստում խմբակցությունները ներկայացրին համայնքապետի իրենց թեկնածուներին՝ հայտնում է Yerkir.am-ը։

«Միասնական Վարդենիս» խմբակցությունը հայտարարեց, որ այս նիստի ժամանակ նույնպես սեփական թեկնածու չի առաջադրի և «Ահարոն Խաչատրյան» խմբակցության հետ դաշինքի համաձայն կպաշտպանի «Ահարոն Խաչատրյան» խմբակցության թեկնածուին։

«Ահարոն Խաչատրյան» խմբակցությունը առաջադրեց և պաշտպանեց ցուցակի առաջին համար Ահարոն խաչատրյանի թեկնածությունը։

«Քաղաքացիական պայմանագիր» խմբակցության ներկայացուցչը հայտարարեց, որ ՔՊ-ն թեկնածու չի առաջադրում։

Նշենք, որ նախկին ընտրությունների ժամանակ ՔՊ-ի թեկնածուն Արամ Մելքոնյանն էր, որը, սակայն, ավելի քիչ ձայն հավաքեց, քան ընդդիմադիր խմբակցությունների միասնական թեկնածուն, և բազմաթիվ հրահրումներից հետո ՔՊ-ն հասավ նրան, որ դատարանի որոշմամբ համայնքի ղեկավարի ընտրության նոր նիստ հրավիրվեց։

Մանրամասն՝ տեսանյութում․