29.5 միլիոն դրամ կհատկացնեն ՊՊԾ-ին՝ նոր մեքենաների համար

ՀՀ Կառավարության վաղվա նիստի օրակարգում ներառված է 21 հարց, որոնցից մեկը գաղտնի է, մյուսներն էլ՝ չզեկուցվող: 

2 հարց վերաբերում է զինվորական ծառայությունից տարկետման իրավունքին: Դրանցից մեկով դադարեցվում է Հայկ Մնացականյանին տրված տարկետման իրավունքը, իսկ մյուսով տարկետման իրավունք է տրվում Էմմանուել  Ճգնավորյանին:

Ազգային անվտանգության ծառայության ներկայացրած որոշման նախագծով նախատեսվում է շուրջ 30 մլն դրամ է հատկացնել ԱԱԾ Պետական պահպանության ծառայությանը:

Ինչպես նշված է նախագծի հիմնավորման մեջ՝ Պետական պահպանության ծառայության բնականոն գործունեությունն ապահովելու և մաս­նա­գիտական ստորաբաժանումների անվտանգության ապահովման միջոցների արդիա­կա­նացման նպատակով անհրաժեշտություն է առաջացել բարելավել Պետական պահպա­նու­թյան ծառայության տրանսպորտային միջոցների ապահովվածությունը։

Նշենք, որ ՊՊԾ-ն ապահովում է հատուկ պահպանվող պաշտոնյաների ու շենք-շինությունների անվտանգությունը: