ՏԵՍԱՆՅՈՒԹ․ 5 միլիոն դրամ խալի լվանալու վրա ծախսած Միրզոյան Արարատը ինքն իրեն 3 միլիոն պարգևատրել է․ Բաբկեն Հարությունյան

Հայաստանը ժողովրդավարության ամբիոն հռչակած, 5 միլիոն դրամ խալի լվանալու վրա ծախսած և այդ խալի լվանալը բրենդավորած Միրզոյան Արարատը խիստ թերանում է իր աշխատանքում՝ ըստ Yerkir.am-ի ասաց «Հանրային վերահսկողության կենտրոն» ՀԿ նախագահ Բաբկեն Հարությունյանը, ով դատական հայցեր է ներկայացրել ԱԺ-ի, վարչապետի աշխատակազմի՝ «Հանրային կապերի և տեղեկատվության կենտրոն» ՊՈԱԿ-ի, Երևանի քաղաքապետարանի դեմ։

Բաբկեն Հարությունյանը հարցումներ է ուղարկել ԱԺ՝ տեղեկություններ ստանալու համար, բայց երկու ամիս շարունակ պատասխան չի ստացել, այն դեպքում, որ օրենսդրությունը 5-օրյա ժամկետ է նախատեսում։

«Միրզոյան Արարատը իր արած հայտարարությունների տակից չի կարողանում դուրս գալ, փոխարենը կարողանում է ինքն իրեն 3 միլիոն պարգևատրել ու չգիտես՝ ինչի համար։ Եթե դուք նույնիսկ տարրական հարցման չեք կարողանում պատասխանել՝ ինչի՞ համար եք ձեզ պարգևատրում»,-տարակուսեց նա։

Բաբկեն Հարությունյանն ընդգժեց, որ այսօր մեծ խնդիր է պարգևաճարների հարցը և իրենք՝ որպես ՀԿ, ուզում են հասկանալ՝ այդ գումարները ո՞ւմ են գնում, ի՞նչ չափով են գնում։