Թուրքիան լավ հարաբերություններ է պահպանելու ինչպես Ռուսաստանի, այնպես էլ Ուկրաինայի հետ. Աքար

Թուրքիան շարունակում է վերահսկել Մոնտրյոյի կոնվենցիայի հոդվածների կատարումը, ներառյալ՝ Դարդանելի և Բոսֆորի նեղուցներով ռազմանավերի անցման սահմանափակումը. հայտարարել է Թուրքիայի Ազգային պաշտպանության նախարար Հուլուսի Աքարը:

«Մոնտրյոյի կոնվենցիայի պահպանումը շահավետ է, և մենք շարունակում ենք աշխատել այս ուղղությամբ։ Մենք կշարունակենք կատարել Մոնտրյոյի՝ նեղուցների կոնվենցիայի 19, 20, 21-րդ հոդվածները, ինչպես արել ենք մինչ օրս»,- երեքշաբթի ասել է թուրք նախարարը։

Ըստ Աքարի՝ Թուրքիան կշարունակի իր սկզբունքային արտաքին քաղաքականությունը և կպահպանի բացառապես դրական հարաբերություններ ինչպես Ուկրաինայի, այնպես էլ Ռուսաստանի Դաշնության հետ։